ဝက်ခြံပျောက်ဆေး
ငှက်ပျောသီးဖီးကြမ်း မမှည့်တမှည့် ခပ်မာမာကို ဓားနှင့်လှီးပါ။ ပါးပါးလှီးပါ။ အခွံဖယ်ပစ်ပါ။ အတွင်းသားကို ဝက်ခြံအုံပေးပါ။
ဆင်တုံးမနွယ်ဆေး
ရှောက်သီးတစ်လုံးအစေ့များ ဖယ်ရှား၊ အခွံပါ ပါဝင်ပြီးပါးပါးလှီး။ ဆားတစ်ဆယ်သားခန့်ထည့်ပြီး ရေလက်ဖက်ရည်ပန်းကန်သုံးလုံး ထည့်လျက် မီးဖြင့် အခွံနူးအိသည်အထိ ပေါင်းပါ။ ရှောက်သီးတွင် အရည်အနည်းငယ်ကျန်ရပါမည်။ရှောက်သီးပြုတ်ကို ဇလုံးငယ်တစ်ခုတွင် ထည့်ပြီး ဆင်တုံးမနွယ်မှုန့်နှင့် နည်းနည်းချင်း သမအောင် နယ်ပါ။ ဆေးမှုန့်လက်ဖက်ရည်ပန်းကန်လုံး(၃)လုံးခန့်လိုပါသည်။ ဆီးကင်းခန့်အရွယ် ဆေးလုံးလေးများကို နေလှန်းပြီးလေလုံပုလင်းတွင်ထည့်၍ ထားကာ နေ့စဉ်(၃)လုံး စားပါ။
Comments
Post a Comment