အနာအဖု အကျိတ်များ
နွယ်သာကီမြစ်မှုန့်(၃)ဆ၊ တပင်တိုင်မြနန်းမြစ်မှုန့်(၂)ဆ၊ဆေးအိုးပုတ်မြစ်(၂)ဆ၊ သစ်ကြပိုးခေါက်(၁)ဆတို့ကို သံပုရာရည်နှင့် ရေနွေးရောစပ်ပြီး ပျစ်ပျစ်ဖျော်၍ အနာ၊ အဖု အကျိတ်များပေါ်မှာ လိမ်းပေးပါ။
ဆင်တုံးမနွယ်ဆေး
ရှောက်သီးတစ်လုံးအစေ့များ ဖယ်ရှား၊ အခွံပါ ပါဝင်ပြီးပါးပါးလှီး။ ဆားတစ်ဆယ်သားခန့်ထည့်ပြီး ရေလက်ဖက်ရည်ပန်းကန်သုံးလုံး ထည့်လျက် မီးဖြင့် အခွံနူးအိသည်အထိ ပေါင်းပါ။ ရှောက်သီးတွင် အရည်အနည်းငယ်ကျန်ရပါမည်။ရှောက်သီးပြုတ်ကို ဇလုံးငယ်တစ်ခုတွင် ထည့်ပြီး ဆင်တုံးမနွယ်မှုန့်နှင့် နည်းနည်းချင်း သမအောင် နယ်ပါ။ ဆေးမှုန့်လက်ဖက်ရည်ပန်းကန်လုံး(၃)လုံးခန့်လိုပါသည်။ ဆီးကင်းခန့်အရွယ် ဆေးလုံးလေးများကို နေလှန်းပြီးလေလုံပုလင်းတွင်ထည့်၍ ထားကာ နေ့စဉ်(၃)လုံး စားပါ။
Comments
Post a Comment